ياعبيد

الله من هم ٍ على القلب ياعبيد
عذب حياتي لين حالي دمرها

أمشي بحزني كن في رجلي القيد
طال العنا والعين طول سهرها

مامرّ يوم ٍ مهتني فيه وسعيد
ياعبيد نفسي زايد ٍ بي قهرها

كني سجين ٍ منحكم حكم تابيد
شاف العذاب أنواع بأبشع صورها

ولا . . يتيم ٍ فاطمينه عن الديد
أمه توفت ثم فارق نحرها

ولا . . صغير ٍ منحرم لذه العيد
مسكين وأحزانه بعينه نظرها

يكتبني الحرمان والحزن بي يعيد
قصة حزن بقسى ليالي دهرها

حياته هم . . وجرح . . وأيام تنكيد
الوقت طول والخواطر كسرها

شكيت أنا ياعبيد همي بتجيد
وش قولتك فيمن حياته خسرها

كني سجين ٍ منحكم حكم تابيد
شاف العذاب أنواع بأبشع صورها

صح لسااانك وسلمت ع القصيدة الرووعه

ننتظر منك المزيد ي راقي

صح لسانك وسلمت ع النقل الجميل