ايش تقول للى فى بالك الحين

تذكير بمساهمة فاتح الموضوع :

[وحدهم المديرون لديهم صلاحيات معاينة هذه الصورة]

[وحدهم المديرون لديهم صلاحيات معاينة هذا الرابط]

احبتى الكرام

الموضوع واضح وهو مشهور فى كثير من المنتديات

باختصار كل الى فى نفسك قوله للى فى بالك الحين

كلمات

شعر

خواطر

عتاب

مشاعر

فضفضه

على ان لاتكون كلمات تجريح او بديئه

او الفاض سوقيه لاى عضو من الاعضاء

هيااااااااااااااااااااا كل واحد يستعد
[وحدهم المديرون لديهم صلاحيات معاينة هذه الصورة]

اقـــــــولها للي على القلب غالي
الصاحب اللي شـــــوفته ما نمله

هذاك وحده حاسبه راس مالي
لاشـــك بيته يا عـــرب ما نـــدله

الغريب
25/7/40

تاريخ التسجيل : 29/11/2012 عدد المساهمات : 144

اسعد الله صباحكم

؟

نداء له وحـــــــــــــــده

اقــولهــــا للــي عـزيز(ن) مــقــــامه
اللي حضوره يسعد القلب والـــــروح

وانا , حقيقه , يوم يأتي, كلامــــــه
مثل الشهد , ايعالج الهم وجــــــروح

الغريب

يسعد صباحـــــك , يا صـــــباح المحبــــين
يا اجمل صباح , اليوم, صبحي , معاكم

ولو قــــربكم يشــــرىَ, دفعت , الملايين
ياللي حـــلاكم , زاد منّه , غــــــلاكــــــم ؟

الغريب
13/8/40

ربي يوفــــــــق من نحــــــبه ونغلـــــيه
روح , وحاله , يعلمه , عالم الغــــيب

أحزن ليا جابولي الناس , طــــــــاريه
وأخر , خبر , له عدة سنين , ماجيب؟

الغريب
1440/8/15

صرنا مثل توم مــــع جيـــري
لا جيت أنا ’ غاب حضـــرتكــــم

أقــول, العــــبـها , على غيــري
ولا عـــاد, بمـــــر , حـــارتكــم ؟

الغريب
16/8/1440

للي مــلك قلبــي , بحــلــو اطبـاعــه
الصـــادق , اللي مــا يخـــون بخِـــله

لآمن زهـــم نبضـي, عليه , الطاعه
مجبور , يسمع من زهىَ , في دَله

ليت الوصل , ما ينقطع , لو ساعه
حيـث أن قــربـه , بلســمٍ , للعــله ؟

الغريب
1440/8/17هـ

ان كان , ناوي على غلطه , تحاسبني
يا كثر ه, اللي حصل منّك , ولا ادقق ؟

وشهو خطانا , يكفي وانــت متعبني ؟
اقول , يكفي , معانا , وانته , اتحقق

الغريب
40/8/18هـ

خلك مع الوقت , دام الجو صافي لك
وان شان وقتك , ترى يا زين تلقاني

أجيك ي صاحبي , بالليل , واسري لك
ما همني بعدكم , لا قمت , تنخاني !

الغريب
1440/8/19[

البشر ؟ في هـــالزمن , طبعه عجيب
والســــبب منا , وفينا , يا قمــــر

شوف اسمي , واضحٍ, أنا( الغريب)
والفراق , لوضعنا , والله , دَمَـــــر ؟

الغريب
40/8/19

لا تضيق خاطرك , تكفى , طلبتك
دام انا موجود , ما ودي تضيقي

الغريب
40/8/19

لا تضيق خاطرك , تكفى , طلبتك
دام انا موجود , ما ودي تضيقي

الغريب
40/8/20

اقوول

روق , تراني , رايــق , اليوم , بالحيــل
يعني , وناســه , ما بعـــدهــا , وناسـه

دام أنت , معيه , صافي القول , والقيل
ماهمنــي , نــاسٍ , تــــدور, خســـاســـه

الغريب
40/8/20

هذا خامس عام , ولا أعلم , مصيركـ ؟!
ليتكـ , تطـمــن , رفيقــكــ , يا مـــــلاكـ

والله , ان القلــب , ما فكـر , بغيــركـ
دائمـــاً , يـذكركـ , ما لحظــه , ســلاكـ

الغريب
1440/8/20

تعترف , ما تعترف , شيءً يخصك
بس , حــاول, لا تجيب , الكـارثه

وانتبه , بعض السوالف , لا ترصك
ثم تبلش, واجمع , اللي , حارثه ؟

الغريب
ابو سامي
40/8/22

انتظر , عسى خبر , يأتي, ســـعيد
واعرف انك , يا رفيقي , في سعادة

لي ثلاث اعوام, أرسل لك , قصيد
لكن, أدري , خـــابر, فيني قـــــرادة

الغريب
1440/8/23

اقول مساء الخير ي الغريب ايش تقول للى فى بالك الحين - صفحة 28 3912376022

؟

ان كان تسمع يا رفيقي, صدى الصوت
تكفــــــى , علينا , طالبك , لا تَحَــــامَـــــل ؟

انت الوحيد اللي رحيله , كما المـــوت ؟!
أحزَن عليه , سنين , والقلب , يا مَـــل ؟

يأمل بشوفك , قبل لا غيب وامــــووت
ياللي , اشوفه , بالهجر, حيل , صامل

الغريب
40/8/24

يا حظ منهو ما عــرف غــدر الأصحـاب
انا اشهد انه , خـــــالي, البال ســـالي

ماهوب مثلي , خاطره , ما بعد طاب
اشكي زماني , والسبب , ضيق , بالي

الغريب
40/8/25

كل مخلوق(ن) على وجه البسيطه
ما يخلا من هم , أو جرح , الزماني

الغريب
25/8/1440

مساء الخير ع الجميع

.

اقوول

لا يهمك من حكى , خلـــف الستار
البشـــر , حســــــاد , والــــوالي , كــريم

كم حفظ من حاطبه , جمة أخطــــــار ؟
حيث ربي , كـــريم)ن), وايضاً, عظيم

الغريب
25/8/40

يا زماني . طالبك . هــــــدي شــــويه
وين مســرع , وانت بالاحوال ,تدري ؟

ايه تدري , خاطري, ضايق , عليه
كل يوم , وكل , ليل, وكل ,فجري

والسبب من غاب عني , بلا خطيه
لَكن بقنع, بالواقع, واقول , قَـــدري ؟

الغريب
40/8/26

صار وضـــعي من رحلتي , يوم , عني
مثل وضع اللي مضيع , هاتف)ن) له ؟

بس الفلف , وســط ديواني , واغني
واتحـــرىَ حضـرتـه , مع جـيـتــن له

الغريب
27/8/40

هــذا خــــامــس عــام والغــالي بعيـــد
آه يا صــعـــب الفــــراق اللي حَــصَل

حيــلتي هــي واحده , اكتب , قصيد
وأتمنــىَ , انــــه , يــوم , بيتــصِــل

الغريب
1440/8/27

صباح الخير

.

ما كل مــا يطـــري على البال , ينقـــال
يا كثر ما بصــــدورنا , من ســــوالــف ؟

فينا , خيال , الوان , طبعاً , مع اشكال
نبي أمانينا , مثـــل مـــانت , عـــــارف

الغريب
3/9/40

بعض السوالف , كنها , طاش , ما طاش
يعنــي ســوالف , مـــرتكي, باستراحــــه ؟

وبعــــض الاوادم لا حكى يرفع الـــراس
حـطـــــه على يمناك , راع الصــراحــه

الغريب

3/9/1440

اقوول له

يا صــاحبي خــذها ســـواليف وامــزوح
عـمـــرك , مقـدر , واليال , معـــدوده ؟

بكرا , رحيل , ونترك , المـزح والبوح
وتبقى لنا, الذكرىَ , على غير, عـوده

الغريب
4/9/1440

» كم رصيدك الحين (بدون احراج)
» ي يمه دمعتي دايم تقول للحزن هاتي
» أهدي ثلاث وردات للعضو اللي في بالك

ايش تقول للى فى بالك الحين

اقـــــــولها للي على القلب غاليالصاحب اللي شـــــوفته ما نملههذاك وحده حاسبه راس ماليلاشـــك بيته يا عـــرب ما نـــدلهالغريب25/7/40

اسعد الله صباحكم

خلك مع الوقت , دام الجو صافي لكوان شان وقتك , ترى يا زين تلقانيأجيك ي صاحبي , بالليل , واسري لكما همني بعدكم , لا قمت , تنخاني !الغريب1440/8/19[

اقـــــــولها للي على القلب غالي
الصاحب اللي شـــــوفته ما نمله

هذاك وحده حاسبه راس مالي
لاشـــك بيته يا عـــرب ما نـــدله

الغريب
25/7/40

خلك مع الوقت , دام الجو صافي لك
وان شان وقتك , ترى يا زين تلقاني

أجيك ي صاحبي , بالليل , واسري لك
ما همني بعدكم , لا قمت , تنخاني !

الغريب
1440/8/19[