قالت ترى مانتب حلو / قلت رجـال

| | |

قالت ترى مانتب حلو .. / قلت رجـال
................. والزين ماهو من ..( شروط الرجولـه )

الزين .. يلقى عنـد .. / لباسـة الشـال
................. والرجل زين ان كان زانت .. ( فعوله )

قالت علامك تلبس .. شماغ وعقـال
................. انت بدوي ؟! قلت بدوي ومن حموله

ما ألبس بناطيل الها الوان و اشكــال
................. و امتر الشارع بـ ( عرضـه و طولـه )

قالت اجل راعي ..( معاميـل و دلال )
................. شرب القهاوي تحسبونـه .. / بطولـه

كيفي يَ بنت الحضر .. دله وفنجـال
................. و حليـب خـلفـه بَ المـراح معـقـــولـــه

وحب الكرم و الجود و علوم الابطال
................. مغروس فينا من .. / زمـان الطفولـه

قالت ترى ( بنت البدو ) حظها مـال
................. قلت ( اعقبي !) حذرا تكوني جهوله

بنت البدو يابنت .. /مضرب للامثـال
................. فوق الجمال وطاعة الله ../ خجولـه

ماحطت اصباغ .. و لا حطت ظـلال
................. و لا سيرت بَ السوق سيـر مهبولـه

هي مهــرة تصعـــب على كل خيـال
................. وانتي و مثلك عسفهـن بالسهولـه

قالت تغزل بي وشف ( حبة الخـال )
................. ناظر عيوني و الرموش الكسولـه

قلت العفو ما يجتمع حـب وهــبـال
................. ولكـل ذوق .. / فـ المـزاييـن جـوله

قلتي وقلت وكلمة الصدق تنقـــال
................. الزين ماهو من( شروط الرجولـــــه )

لـ الشاعر الكبير / غازي بن مرزوق السُّلمي

عوووافي خيتوو على الطرح

لاهنتي

يعطيكــ ربي العافيهـ

لاتحرميننا جديدك

تقبلي مروري

أختك

روحي تحبكـ

ابيات جميلة

يعطيك الف عافية

يً لبببى الذوووق ..
قسسم قصيده عججبتتنن ححيلآت ..
لآهنتٍ ع الطرح يآقدعه ..
بآآنتظار كُل جديد لتس ..
تقبلي طلتي ..
ودي .. ^^

» فتاة قالت لسوادني يا اسود فماذ قال لها