فمان الجرح يا فرحي

[ندعوك للتسجيل في المنتدى أو التعريف بنفسك لمعاينة هذه الصورة]

أنا كلي وجع وآلام .. وضيقة صدر وتنهيدة
أنا لا جيت تجمعني تفرقني مسافاتي

تعبت الحزن يا جرحي .. تعبت الآه وترديده
أبسأل لي متى بنزف على بابك عذاباتي

تراني لي متى بصبر على حزني وتعقيده
خفوقي ما قوى صبري عجز ترديد آهاتي

أنا لا قلت يكفيني .. يزيد الهم وأزيده
بدمعة ضمها جفني بقت لي في مناماتي

أنا حس الشقا فيني يمشي بي وانا اعيده
ترى يا فرح علمني ما عدت اليوم في ذاتي ؟!

أببكي مابقى واشكي هذا الهم أنا سيده
ما مثلي بالبشر والله نسيت اليوم ضحكاتي

طلبتك لمني يا فرح أحس بخطوتي بعيده
تحجر دمعي في كفي وتاهت كل خطواتي

صفر كل الهنا فيني صفر فرحي وتجديده
صفر حلو المعاني اليوم تسطرها كتاباتي

تعبت أصيح من جورك متى حزني انا ابيده
متى بحرك يضم موجي واحقق كل غاياتي

متى فصلك بقلبي يحل يرخي لي عناقيده
أبحيا بالهنا برسم ورودك في خيالاتي

تحن اليوم وتصفالي واقول القلب يا عيده
وبكرة من يجي ترحل وتظلم كل ساعاتي

فمان الجرح يا فرحي وش اللي باقي نعيده
أنا أخطيت في ظني وضاعت كل هقواتي

لعبت بآخر أوراقي وديني حان تسديده
خلاص ارحل وانا بنهي فصول أقسى حكاياتي

صح لسااانك وبنااانك

جميل ماقدمت يعطيك ربي العااافيه

تحيتي لك

اخوي الغريب

سعيد بحضورك

يحفظك ربي

,

تسلم يمينك ع النقل الرائع

راق لي

دمت

[ندعوك للتسجيل في المنتدى أو التعريف بنفسك لمعاينة هذه الصورة]

خيتي وتين الورد

سعيد بحضورك يا الغاليه

يحفظك ربي

يسلمك ربي عالقصيده الجزله
انتقائك عذب ورائع جدا
شكرا لك ودمت بسعاده لاتنتهي

اخوي ساري اليل

سعيد بحضورك

يحفظك ربي

» فمان الله ياشخصٍ تركني وسط حسراتي
» انشوده الجرح ارحم
» الجرح الاخير بينكم فهل من منقذ
» هنا نبارك لإخينا / الجرح الاخير واختنا هدو ء الورد