الشاعر مشحن بن صليهم الشراري

نبذه عن أشعار الشاعر مشحن بن صليهم الشراري
ــــــــــــــــــــــــــــــــــــــــــــــ
الشاعر مشحن بن فرحان صليهم الشراري والملقب والمعروف بــ (( ابن صليهم )) من الشعراء المعروفين بالمنطقة الشمالية ولد بوادي السرحان عام 1320 هـ ويمتاز شعره بسلاسة الإسلوب والوضوح ودقة الوصف .. وله الكثير من شعر النقائض مع عدد من الشعراء وهو شاعر عاصر جيلين متناقضين توفي الشاعر بنفس مكان مولده عام 1385هـ بعد ان ترك الكثير من اشعاره شوارد ومما وقع بين يدي من اشعاره التي أندثر كثير منها هذه المقطوعات الشعرية :

ودي ليا قالوا اقريطان ياعيال=الصبح مد مع الرهاريه حالي
شدوا على شيب الغوارب بجهال=ولا لي غير اقضب سنعهم بفالي
وارقب رقيبتهم وقال اقبل المال=مير الجنب من دونهم له اظلالي
وصارت مشاورهم على عدة اشكال=يدعن خفيف القلب طبه اجفالي
ماشاوروا راع الرديه والانذال=وزاعوا بجل مضابيات الشمالي
وخطو الولد ما بينهم تقل عذال=عداه من قرنه عن المتن مالي
وتسمع رزيز البزر والملح ينجال=رزيز مزن صدقت بالخيالي

وللشاعرمشحن بن صليهم هذا النمط من الشعر في قوله :

القلب شاين وامتلى منة الغباين=شفت الضعاين اقرشن صوبهن غاد
ياسرع ما ارقى راس رجم ببرقاء=نهار فرقى يوم اليوم لا عاد
ركضي يهليلي يم راس الطويلي=ابعذر حيلي يا عليان لو باد
لا يا سلامة شد ولد النعامه=مثل الحمامه ان حدر له من اجراد
دور القرايب قبل عوج النصايب=الموت صايب غاديا قبل بأجواد
الى ارقبت شايح لازم تشوف اللوايح=الى جيت خشم الباردة تلقى الاذواد
ربعي جميعي بالشتاء والربيعي=سالم سريعي شيخهم مقفيا غاد
اقفوا امرادي وانتووا للحمادي=علم وكادي يذكر العشب رواد
صاح المصيح جيشهم ما يتريح=قالوا تجينا جمعة مالها اعداد
يا سرع ما طبوا وللطمع اشرهبوا=يا سرع ما كبوا رديات وأشداد
الدخن ثايع والثلايع ترايع=وارواح تبايع والمناعير ورّاد

ومما قاله الشاعر يمدح الرولة من عنزه :

يا محلا مرباع عرعر وابا القور=وامعيله وافروع راس الهلالي
عسى يجيه من ال الوبل شختور=يقفي عليها من براد الخيالي
مزنن يكت افروعها اسناد واحدور=لياما الابيض من عواليه سالي
يا محلا وان اوكبن بييهن الخور=وسود الرباع مشوتحات اقبالي
ليا جيت مجا لسهم مشاكير واصقور=للطير يرمون العلف بالكتالي
ابو مناحي شيخهم ما بنى اقصور=باني مضيفن شامخا تقل جالي
خيال شقحا ريشت عند مقهور=شقحا نهار العيد تزهى الدلالي

وله في غزوة (( الضماء )) حيث كان احد المشاركين في تلك الغزوة التي هلك فيها كثير من الغزو حينما ضلوا المورد وضل دليلتهم مما تسبب في هلاك غالبية الغزاة وكان (( ابن صليهم )) من الناجين حيث يقول وهي اطول من ذلك .:

أمس الضحى روبة القاعي=تجعف الغوش بالجرة
والجيش ما صار له راعي=يوم الضماء الحقه شره
ولا اسمع الصوت والداعي=ولا اقدى هجيني ولا اطره
يوم اقتلب فوقها واعي=والى تضمضم بي الحرة
تشدا اظليم الى زاعي=اوجس سريع الطلق غره
واطوى رسنها على ذراعي=ومن السطر تجمع الحره
لا ياخلف والنفس ضاعي=وايست انا الروح من مره
والعلم وسط العرب شاعي=والعجز غدت لهن صره
لا يابعد واحد ساعي=يلخس طموحا الى مره
مصلح البطن ماجاعي=ولا جمع الريق وهي مرة
عند العماهيج طماعي=والشوب ماذاف في حره

تعرضت النواحي الشمالية في فترات ماضية الى جفاف وتصحر مما اذهب الكثير من نباتات المراعي الى الفناء مما تسبب في هلاك الكثير من الأبل والأغنام وقد نزح الكثير من أصحاب تلك الماشية الى مناطق متعددة من المملكة وكان ذلك في وقت مضى كان فيه من الخوف وانعدام الأمن ما يصعب على أي من اهالي تلك الماشية بالتروح للبحث عن المراعي في المناطق الشرقية او في نجد وهذا ما حدا بابن صليهم في نضم هذه القصيدة ليعبر عن تجربته بهذا حينما يقول :

زاعوا من الجوبة شتاتا هل النيب=من الدهور اللي صفت في سماها
اللي تنصى نجد واللي تغاريب=واللي قعد في قرية مااشتهاها
ابن دعيجا شيخنا ماكر الطيب=حرا اليا شل الضريبه رماها
ابو محمد ما يطيع الزواريب=شل الضعن والبل مشى بهواها
لما سكنا بديار الاجانيب=وراس المعزة حطنا في قراها
وترهىن المرباع عوج العراقيب=وتعدلت عجف العشاير ذراها
وراجن على حس المشايع جناديب=شقح البكار اللي طويلا اخطاها
امن الرياض الى تلولا ورى السيب=يرعن بها الزرفات ماحدا جفاها
وحطوا بزينات العشاير دباديب=لعيون حكم بالمواثر حماها
حكم الامام اللي تجيه المراكيب=كل الخشوم اللي تروزه وطاها
عبد العزيز اليا ضرب بالمخاليب=ضريبته لازم ينثر اشواها
حرا وبعين المعادي مشاهيب=نارا تلهب تاكل اللي عداها

ومما قاله ابن صليهم هذا النمط من الوصف:

ياراكبا حمرا من الجيش عواء=عقب الحديجة كل زمله مصفاه
سبحانه اللي خالقه يوم سوى=يعجبك زين منطحه ممع امقفاه
هي منوة اللي يوم قلبه تنوى=على قراقيش الخلا هن ومخواه
حمراء يزوم بها السطر مثل قواء=تجويض ربدا خمه الملح وأخطاه
الصبح من الجوبه تزهب وروى=يوم اتقى عن خشم حلمه معشاه

وله أيضا بالوصف:

راكب اللي نجبت باصل حراره=ما حلا المرواح بيكور الاصيله
غاذيه راعيه من يوم هي احواره=متنها سناد حمران جليله
متهاب من الوعر تجمع زباره=قطعت احبالها هن والجديله
مع زهاها صابغن بيها حماره=شدها اللي نافلا كل جيله
ماحلا مناخعا عقب السباره=وطرقت الدربيل بيراس الطويله
ليذعن العقيد للقوم بمغاره=اعجلت ركابها ضفت شليله
جوضت الاظليم طالع له سماره=ينفض الجنحان والغلب يشيله

وله أيضا قوله:

أبشرك جاني المندوف=وجتك الشرارات مستنه
شرقيهم من جوابي الجوف=وغربيهم من حلب جنه
والهجن جنك تقل اخشوف=مليح والهوج شربنه
من فوقهن دقة المنسوف=بس الأماني لهن صنه

و في صديق له يقال له قريطان يتوجد عليه حينما مر على قبره قال :

لقيت قبرا ساكنا له بخده=سكن به ابو زيد شيخا شمالي
ارع الذلول موازنن لك مشده=اركب عليها يا بعيد المددالي

وهذه الابيات على لسان صديقه قريطان يصف حاله وهي من القصائد الشهيره للشاعر:

الحي مبسوطا يرعى سكرة اثمار=متبلدا بالارض ما يطري الخوف
غصبا علينا مالك الموت صخار=من دوننا عتلات والطي مرصوف
ممن علمكم في ظلمة القبر حضار=كل منا منجضع تقل مكتوف
ياحلوكم مشتاكم القور وايسار=ومرباعكم يم الرحى عشبها نوف
وياحلوكم نقضتوا الجزو بشغار=واالى طلع اسهيل ملتوا على جوف
وياحلوكم بركوبكم ين الاكوار=وياحلوكم فرشتم البطن سرجوف
وأعيالكم تاخذ على الرجم مشوار=وتطرق اعيون بالدرابيل واتشوف

ومما قاله الشاعر مشحن بن صليهم:

الهرش ما يقطع الحاله=جعله احذى اليوم مايشدي
ما تقطعه غير جفاله=حمراء او ضيحان له جدي
يا محلا الصبح ذوماله=الى هجهج الجيش لتغدي
يوم الردي جوزه ماله=يلعب على زينة الخدي
ماجابه الطيب وافعاله=على الخواوير تنهدي
والى انفقر وارتدت حاله=ماهو صبورا إلى لدي
يدعي له البيت محباله=وعند الوهد بس متحدي
وإلى زعل مد بعياله=وعن الدخاخين ماصدي
والطيب لو هو على فاله=يعجبك والوقت مشتدي

وسلامتكم

سعطيك العافيه على جمال الطرح
وحياك الله

مشككور على الطرح القييييم

ماننحرم ي رب

ارق تحيهـــ

» الشاعر الشايب
» الشاعر علي الحارثي - شاعر المليون
» الامير الشاعر أحمد بن محمد السديري
» من روائع الامير الشاعر محسن الهزاني
» الشاعر خلف في رثاء أخيه موسى مشعان